वीरगन्ज,२५ पुस । चिसो मौसमका कारण अस्पतालमा उपचाररत बिरामीहरूलाई राहत पुर्याउने उद्देश्यले लायन्स क्लब वीरगञ्जले नारायणी अस्पतालमा १६० जना बिरामीलाई न्यानो कम्बल वितरण गरेको छ।
कम्बल वितरण कार्यक्रम क्लबका अध्यक्ष सुरेश कुमार रुङ्गटाको अध्यक्षतामा सम्पन्न भएको थियो। कार्यक्रममा क्लबका पदाधिकारीहरू प्रकाश बाहेती, अशोक गुप्ता, प्रदिप डालमिया लगायतले पनि सहभागिता जनाएका थिए।
अध्यक्ष रुङ्गटाले कार्यक्रममा चिसो मौसममा उपचाररत बिरामीहरूलाई सहजता प्रदान गर्न र सामाजिक उत्तरदायित्व पूरा गर्न यस्तो कार्यक्रम आयोजना गरिएको बताए।
