काठमाडौं । युवा तथा खेलकुदमन्त्री बल्लु गुप्ताले पदबाट राजीनामा दिएका छन् ।
पछिल्लो समय अमेरिका भ्रमणका विषयले विवादमा तानिएका मन्त्री गुप्ताले राजीनामा बुझाइसकेको र सोमबार सार्वजनिक बिदा परेकाले दर्ता हुन बाँकी रहेको जनाइएको छ ।
गत कात्तिक ९ गते मन्त्रीको पदभार सम्हालेका उनले तीन महिना पुग्नै लाग्दा पदबाट राजीनामा दिएका हुन् ।
काठमाडौं महानगरको मेयर पदबाट राजीनामा दिएर जनकपधाम पुगेका बालेन शाहसँगै उनी देखिएको भन्दै आलोचनासमेत भइरहेको थियो । नागरिक सरकारको मन्त्री दलीय गतिविधिमा लागेको भन्दै उनको आलोचना भइरहेको थियो ।
