बारा,०५ माघ । नेपाली कम्युनिस्ट पार्टी (नेकपा)ले बाराका चारवटै निर्वाचन क्षेत्रमा आफ्नो उम्मेदवार घोषणा गरेको छ। पार्टीले क्षेत्र नं १ मा सन्तोष दंगाल, क्षेत्र नं २ मा रमेश प्रसाद यादव, क्षेत्र नं ३ मा भरत साह र क्षेत्र नं ४ मा २६ वर्षीय अन्तर्राष्ट्रिय बास्केटबल खेलाडी अजय कुशवाहालाई उम्मेदवार बनाएको छ।
क्षेत्र नं १ का दंगाल तत्कालीन माओवादी केन्द्र निजगढ नगरपालिका कमिटी अध्यक्ष हुन् भने रमेश यादव २०७४ सालको राष्ट्रिय सभा सदस्य रहिसकेका छन्। अन्य तीन उम्मेदवार नयाँ अनुहार हुन्।
बाराका क्षेत्र नं ४ का उम्मेदवार कुशवाहा इन्डोनेसिया, माल्दिभ्स, श्रीलंका, भारत र बंगलादेशमा नेपालको प्रतिनिधित्व गर्दै खेलिसकेका छन्। नेकपाले उनलाई ‘जेनजी’ युवा प्रतिनिधिको रूपमा उम्मेदवार चयन गरेको जनाएको छ।
