वीरगन्ज,०६ माघ । आगामी प्रतिनिधि सभा निर्वाचनमा पर्सा–१ बाट नेपाली कांग्रेसका पूर्व सांसद अजय द्विवेदी टिकटबाट बाहिरिएका छन्। पार्टी केन्द्रीय समितिले द्विवेदीलाई टिकट नदिएपछि उनका समर्थक र अन्य दलबाट उम्मेदवारी दिने अड्कलबाजी चलेको थियो।
तर द्विवेदीले पार्टी नछोड्ने र कांग्रेसकै उम्मेदवारलाई पूर्ण समर्थन गर्ने स्पष्ट सन्देश दिएका छन्। उनले भने, “म टिकट नपाए पनि पार्टी छोड्दिनँ। जसले टिकट पाउनु भएको छ, उहाँलाई पूरै सहयोग गर्छु।”
द्विवेदीको यो कदम कांग्रेसभित्र देखिन सक्ने असन्तुष्टिलाई कम गर्दै पार्टी एकताको सन्देश दिनुको साथै निर्वाचन क्षेत्रमा सकारात्मक प्रभाव पर्ने अपेक्षा गरिएको छ।
