वडोदरा । महिला प्रिमियर लिगअन्तर्गत कोटाम्बी स्टेडियममा भएको खेलमा दिल्ली क्यापिटल्सले मुम्बई इन्डियन्सलाई ७ विकेटले पराजित गरेको छ। १५५ रनको लक्ष्य दिल्लीले १९ ओभरमा ३ विकेट गुमाएर पूरा गर्दै सिजनको दोस्रो जित हात पार्यो।
मुम्बईका लागि नेट सिभर–ब्रन्टले अविजित ६५ रन बनाइन् भने हरमनप्रीत कौरले ४१ रन जोडिन्। दिल्लीका लागि श्री चरणीले ३ विकेट लिइन्।
लक्ष्य पछ्याउँदा शेफाली वर्मा (२९) र लिजेल ली (४६) ले राम्रो सुरुवात दिलाए। अन्त्यतिर कप्तान जेमिमा रोड्रिग्सले अर्धशतक प्रहार गर्दै दिल्लीलाई सहज जित दिलाइन्।
