बारा,१४ माघ । बाराको परवानीपुर गाउँपालिका–१ रहरियाडीमा अज्ञात समुहले आमा र छाेराकाे हत्या गरेकाे छ भने साेहि परिवारका अरु तीन जना घाइते पनि भएकाछन्।
३२ वर्षीय रामेश्वर मण्डल र उनकी आमा ५२ वर्षीया सुमित्री देवीकाे टाउकाे काटेर हत्या गरिएको हाे।
प्रहरीका अनुसार बुधबार माघ १४ बिहान करिब ३ बजेको समयमा अज्ञात व्यक्तिले धारिलो हतियार प्रयोग गरी उनिहरुकाे हत्या गरेकाे हाे। घटनामा मण्डल परिवारकै अन्य तीन जना समेत घाइते भएका छन्।
घाइते तीन जनाको परवानीपुरस्थित एलएस न्युरो अस्पतालमा उपचार भइरहेको र उनीहरूको अवस्था बारे थप विवरण आउन बाँकी रहेको प्रहरीले जानकारी दिएको छ।
हत्या कसले र किन गरेको भन्ने विषयमा हालसम्म खुल्न नसकेको भन्दै बारा प्रहरीले घटनाको अनुसन्धान भइरहेको जनाएको छ।
