काठमाडौं, २९ माघ। निर्वाचन आयोगले आगामी मतदानका दिन मतदाताले के–के कुरामा ध्यान दिनुपर्ने स्पष्ट गरेको छ। आयोगका अनुसार मतदान गर्न जाँदा अपना मतदाता परिचयपत्र (Voter ID) अनिवार्य छ।
यदि मतदाता परिचयपत्र नभएमा नेपाली नागरिकता प्रमाणपत्र, राष्ट्रिय परिचयपत्र, राहदानी, सवारी चालक अनुमतिपत्र वा जग्गाधनी प्रमाण पुर्जा मध्ये कुनै एक कागजात लिएर पनि मतदान गर्न सकिन्छ।
मतदान स्थलमा पुगेपछि कर्मचारीलाई आफ्नो कागजात देखाउनुपर्नेछ। विशेषगरी गर्भवती, अपांगता भएका व्यक्ति, ज्येष्ठ नागरिक, बिरामी, सुत्केरी र लैंगिक/यौनिक अल्पसंख्यक मतदातालाई लाइनमा नबसी प्राथमिकता दिइने व्यवस्था गरिएको छ।
सामान्य मतदाताहरू भने महिला–पुरुष अलग लाइनमा बस्नुपर्नेछ। मतदान गर्दा देब्रे हातको बुढी औंलाको नङ र मासुको बीचमा मसी लगाउने प्रक्रिया पुरा भएपछि मात्रै मतदान गर्न पाइन्छ।
आयोगले मतदातालाई सजग रहन र आवश्यक कागजातसहित मतदानस्थल पुग्न आग्रह गरेको छ।
