उत्तरपुस्तिका परीक्षणका लागि सम्बन्धित विषयका शिक्षकलाई सहभागी गराएर परीक्षण केन्द्र तोकिएको छ। सम्भव भएसम्म सीसीटीभी जडित विद्यालयलाई केन्द्र बनाइएको र नभएको स्थानमा क्यामेरा जडान गरेर मात्र परीक्षण सुरु गरिएको बोर्डले जनाएको छ। यस वर्ष परीक्षण केन्द्रबाटै सम्परीक्षण गर्ने नयाँ व्यवस्था लागू गरिएको छ। यसअघि सम्परीक्षण परीक्षा नियन्त्रण कार्यालयमै हुने गरेको थियो। प्रत्येक केन्द्रमा अनुभवी सम्परीक्षक खटाउने तयारी पनि अन्तिम चरणमा पुगेको छ।
गत वैशाख १४ देखि २७ गतेसम्म सञ्चालन भएको परीक्षामा ४ लाख १८ हजार ८ विद्यार्थी सहभागी भएका थिए। देशभर १ हजार ४२० परीक्षा केन्द्र तथा जापानमा १ केन्द्र तोकिएको थियो।
बोर्डले यस वर्ष मूल्याङ्कन प्रक्रिया अझ व्यवस्थित र प्रविधिमैत्री बनाइएको दाबी गर्दै तोकिएको समयमै नतिजा सार्वजनिक गर्ने प्रतिबद्धता दोहोर्याएको छ।
