काठमाडौं,१८ कार्तिक । नेपाली बजारमा बुधबार सुनको मूल्यमा वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ६ सय रुपैयाँले बढेको हो ।
महासंघले सार्वजनिक गरेको मूल्यसूचीअनुसार आज सुन प्रतितोला २ लाख ७५ हजार ६ सय रुपैयाँमा कारोबार भइरहेको छ । मंगलबार सुनको मूल्य प्रतितोला २ लाख ७५ हजार रुपैयाँ कायम थियो ।
यता, चाँदीको मूल्य भने घटेको छ । आज चाँदी प्रतितोला २० रुपैयाँले घटेर ३ हजार ६ सय ५५ रुपैयाँमा कारोबार भइरहेको महासंघले जनाएको छ ।




