वीरगन्ज,०५ असार । नेकपा एकीकृत समाजवादीका सांसद अमरबहादुर थापाले सरकारको आगामी आर्थिक वर्षको बजेटप्रति कडा असन्तुष्टि जनाउँदै संसदमै बजेट पुस्तिका च्यातेका छन्। बिहीबारको प्रतिनिधिसभा बैठकमा बोल्दै सांसद थापाले बजेट जनमुखी नभएको, मन्त्री र नेतामुखी बनेको आरोप लगाउँदै रोष व्यक्त गरे। "जनताबाट उठेको करबाट बनेको बजेट जनताकै हितमा खर्च हुनुपर्छ," भन्दै थापाले संसदमा भने, “म यो किताब च्यात्ने अनुमति लिएर च्यात्छु।” उनको यस्तो कडा प्रदर्शन विशेषगरी भौतिक पूर्वाधार तथा यातायात मन्त्रालयको बजेटप्रति लक्षित थियो। उनले आरोप लगाए कि बजेट विकासभन्दा राजनीतिक भागबण्डालाई प्राथमिकता दिएर बनाइएको छ। सरकारको बजेट प्रस्तुतीमाथि विभिन्न कोणबाट आलोचना भइरहेको...