काेरोना कहरको मौका छोपी जिल्लाका विभिन्न खोलामा डोजरमार्फत अवैध उत्खनन गर्न थालिएको छ । यहाँका झन्डै दुई दर्जन खोलामा डोजर लगाई जथाभावी उत्खनन गर्ने क्रम बढेको हो । लकडाउन र निषेधाज्ञाका बेला स्थानीय सरकारको अनुगमन फितलो भएपछि नदीजन्य सामग्री निकाल्ने क्रम बढ्दै गएको छ । नारायण, दुल्लु र डुगेश्वरको दोभानमा रहेको त्रिवेणी खोलामा बीएनपी कन्स्ट्रक्सन र डीसी निर्माण सेवाले मनपरी रूपमा नदीजन्य सामग्री निकाल्दै आएका छन् । ‘संक्रमणको मौका छोपी ठेकेदारले जथाभावी गिट्टी–बालुवा निकालिरहेका छन्,’ स्थानीय विभूषण रानाले भने, ‘पालिका र स्थानीय प्रशासनमा पटकपटक रोक्न आग्रह गरे पनि बेवास्ता भइरहेको...