रौतहट,०४ माघ । जिल्ला प्रहरी कार्यालय रौतहट र मातहतका युनिटहरूले पछिल्लो ६ महिनामा झन्डै अढाई करोड रुपैयाँ बराबरको अवैध सामानसहित ६६ जना तस्करलाई पक्राउ गरेको छ। बिहीबार सार्वजनिक गरिएको ६ महिने प्रगति प्रतिवेदनमा भारतीय बजारबाट तस्करीको माध्यमले भित्र्याइएका विभिन्न प्रकारका सामान बरामद गरी भन्सारमा बुझाइएको उल्लेख छ। प्रहरीका अनुसार साउनदेखि पुस मसान्तसम्म तस्करीमा प्रयोग भएका २ थान स्कार्पियो, २ थान पिकअप भ्यान, ४ थान ई-रिक्सा, १०८ थान मोटरसाइकल र १४ थान साइकलसमेत बरामद गरिएको छ। साथै, ६६ जना तस्करलाई पक्राउ गरी कानूनी कारबाही थालिएको जिल्ला प्रहरी प्रमुख एसपी दिलीप घिमिरेले...