वीरगन्ज,२० माघ । नेपालको प्रमुख व्यापारिक नाका वीरगन्ज एकीकृत भन्सार जाँच चौकी (आईसीपी) मा भन्सार अधिकृतहरूको मनोमानीका कारण व्यवसायीहरू मर्कामा परेका छन्। व्यापार सहजीकरण र राजस्व संकलनको अपेक्षा गरिएको यो भन्सार कार्यालय अहिले संस्थागत तस्करीको अखडाका रूपमा चिनिन थालेको छ। व्यवसायीहरूका अनुसार एउटै वस्तुमा फरक भन्सार महसुल लगाउने, अनावश्यक रूपमा एचएस कोड परिवर्तन गर्ने र बढी महशुल असुल्ने कार्यले व्यापारलाई निरुत्साहित गरिएको छ। भैरहवा भन्सारमा साइकलबारेको चेनलाई ८७१४९९१० कोडमा राखेर ५५ प्रतिशत भन्सार महसुल लिइँदै आएको थियो। तर, वीरगन्ज आईसीपी भन्सारले यसै वस्तुलाई ७३१५५१२०० कोडमा राखेर १५५ प्रतिशत महसुल लगाएको...