सप्तरी,०१ पुस । सप्तरीको राजविराज विमानस्थलमा रात्रिकालीन उडानको तयारी अन्तिम चरणमा पुगेको छ। यसै क्रममा आज साँझ ५ बजे बुद्ध एयरले काठमाडौं–राजविराज मार्गमा परीक्षण उडान गर्ने भएको छ। स्थानीयबासीको माग र यात्रुको बढ्दो चापका कारण दैनिक उडान संख्या विस्तार गर्न संस्कृति, पर्यटन तथा नागरिक उड्डयन मन्त्रालयको पहलमा रात्रिकालीन उडानको योजना अघि बढाइएको हो। यस परीक्षणले विमानस्थलमा हालै जडान गरिएका बत्ती र अन्य आवश्यक उपकरणहरूको कार्यक्षमताको मूल्यांकन गर्नेछ। परीक्षण सफल भएमा रात्रिकालीन उडान नियमित सञ्चालनमा ल्याइने जानकारी विमानस्थलका प्रमुख ध्रुवराज श्रेष्ठले बताए । दैनिक एउटामात्र उडानले यात्रा व्यवस्थापनमा समस्या हुँदै आएको जनगुनासो...