जनकपुरधाम, कार्तिक ४ । जानकी मन्दिर प्राङ्गणमा अवस्थित फूलबारीको भत्काइएका पर्खालको निर्माण कार्य सुरु हुने भएको छ । सडक विस्तारको क्रममा निर्माण गरिएको पर्खाल अतिक्रमण भएको भन्दै वडाध्यक्ष र सामाजिक अभियन्ताहरुको नेतृत्वमा भदौ २८ गते भत्काइएको पर्खाल पुरानो ठाउँमै फेरी निर्माण हुन लागेको हो । गुठी संस्थान जनकपुरधामको निर्णय अनुसार जानकी मन्दिरको साबिकमा रहेको ठाउँमै पर्खाल निर्माण हुन लागेको गुठी संस्थान जनकपुरका प्रमुख बैकुण्ठ प्रसाद रेग्मीले जानकारी दिएका हुन्। उनले नापी कार्यालयले बुझाएको प्रतिवेदनको आधारमा नयाँ पर्खाल निर्माण हुने बताए। नापीले बुझाएको प्रतिवेदन नै पर्खाल निर्माणको प्रमुख आधार रहेको प्रमुख रेग्मीले बताए। जानकी...