काठमाडौं,०६ असार । त्रिभुवन विश्वविद्यालय (त्रिवि), परीक्षा नियन्त्रण कार्यालय, बल्खुले विद्यार्थीहरूको सुविधाका लागि १० वटा महत्वपूर्ण सेवाहरू अब अनलाइन माध्यमबाटै उपलब्ध गराउने भएको छ । यसले विद्यार्थीहरूलाई घण्टौँ लाइन बस्नुपर्ने झन्झटबाट मुक्ति मिल्नेछ । त्रिविका परीक्षा नियन्त्रक पुष्पराज जोशीका अनुसार असार १५ गतेदेखि यी अनलाइन सेवाहरू सञ्चालनमा आउनेछन्। “असार १५ देखि अनलाइनबाट सेवा सुरु हुन्छ। कार्यालय आउनै पर्दैन,“ उनले भने। यसअघि परीक्षा नियन्त्रण कार्यालयको सेवा प्रवाह प्रभावकारी नभएको र विद्यार्थीले लामो लाइनमा बस्नुपर्ने बाध्यता रहेको भन्दै आलोचना हुँदै आएको थियो। अनलाइन सेवा सुरु भएसँगै विद्यार्थीहरूले घरबाटै वा जुनसुकै स्थानबाट पनि...