बीरगन्ज,११ माघ । नेपाल सरकारले जारी गरेको अध्यादेशमा शिक्षकलाई योगदानमा आधारित निवृत्तिभरण कोषमा सहभागी गराउने व्यवस्था खारेज गर्न माग गर्दै पर्साका शिक्षकहरूले ध्यानाकर्षण पत्र बुझाएका छन्। पेन्सन बञ्चित शिक्षक समूह जिल्ला संघर्ष समिति पर्साले नेपाल शिक्षक महासंघ पर्साका अध्यक्ष तीर्थराज यादवलाई आज उक्त ध्यानाकर्षण पत्र हस्तान्तरण गरेको हो। पेन्सन बञ्चित शिक्षक समूह पर्साका संयोजक राम बालक यादवको नेतृत्वमा बुझाइएको ध्यानाकर्षण पत्रमा अध्यादेशमा गरिएको व्यवस्था विभेदकारी रहेको भन्दै तत्काल खारेजीको माग गरिएको छ। ध्यानाकर्षण पत्र बुझ्दै महासंघका अध्यक्ष तीर्थराज यादवले सरकार र शिक्षक महासंघबीच विगतमा भएका सम्झौता अक्षरशः कानुनमा समेटिनुपर्ने भन्दै,...