काठमाडौँ, १० चैत्र । नेपाल मधेस निजामती कर्मचारी मञ्चमा ठूलो भाँडभैलोको स्थिति सिर्जना भएको छ । संस्थापक अध्यक्ष विनोद सिंह र मञ्चका अध्यक्ष भुवनेश्वर चौधरी बीचको विवाद संगठनको भविष्यमा अनिश्चितता ल्याएको छ । चौधरीले सिंहमाथि आरोप लगाउँदै भने, ‘सिंहले पार्टीको महासचिवको हैसियतबाट मञ्चको महाधिवेशनमा हस्तक्षेप गरेका छन् र छुट्टै महाधिवेशन गरेर नयाँ कार्यसमिति घोषणा गरेका छन्, जुन मञ्चको विभाजनको षड्यन्त्र हो ।’ सिंहले महाधिवेशनको मिति थप गरेको र मञ्चको पदाधिकारीहरूसँग असहमतिपूर्ण रवैया राखेको आरोप चौधरीले लगाए । सिंहले भने, ‘मञ्चको अध्यक्ष र महासचिवलाई निलम्बन गरी महाधिवेशनलाई निरन्तरता दिन लागेको हुँ, मञ्चबाट...