जनकपुर, ३० माघ । मधेस प्रदेशका मुख्यमन्त्री सतिशकुमार सिंहले बालविवाहको जरो उखेल्न शिक्षा सबैभन्दा प्रभावकारी माध्यम भएको बताएका छन्। आज जनकपुरधामस्थित मुख्यमन्त्री निवासमा बालविवाह रोकथामका लागि कार्यरत ‘जस्ट राइट्स फर चिल्ड्रेन इन नेपाल’ र बेस नेपालका प्रतिनिधिहरूसँगको छलफलका क्रममा उनले बालिकालाई शिक्षित बनाएर मात्र बालविवाह रोक्न सकिने धारणा राखे। मुख्यमन्त्री सिंहका अनुसार, गरिबी र सामाजिक परम्पराका कारण धेरै अभिभावकले छोरीलाई बोझको रूपमा हेर्ने प्रवृत्ति कायमै छ। "छोरी शिक्षित भएपछि दाइजो दिनुपर्छ भन्ने सोच गलत हो। यो सोच बदल्नुपर्छ," उनले भने। उनले गरिबीकै कारण धेरै बालिकाको विद्यालय शिक्षामा पहुँच सीमित रहेको उल्लेख...