काठमाडौँ, १६ चैत्र । राजसंस्था पुनर्स्थापनाका लागि सक्रिय संयुक्त जनआन्दोलन समितिले पूर्वराजा ज्ञानेन्द्र शाहमाथि कारबाही भए देशव्यापी विरोध हुने चेतावनी दिएको छ। समितिका संयोजक प्रेम सुवेदीले शनिबार जारी गरेको विज्ञप्तिमा पूर्वराजालाई नजरबन्द गर्ने वा पक्राउ गर्ने तयारी भइरहेको समाचारप्रति गम्भीर ध्यानाकर्षण भएको उल्लेख गरेका छन्। विज्ञप्तिमा सुवेदीले भनेका छन्, "यदि पूर्वराजा शाहलाई कुनै पनि बहानामा कारबाही गर्ने प्रयास भएमा देशभरका नागरिक स्वतस्फूर्त रूपमा सडकमा उत्रनेछन्।" संयुक्त जनआन्दोलन समितिले शुक्रबार काठमाडौंको तीनकुनेमा भएको प्रदर्शनमा घुसपैठ तथा प्रहरी दमन भएको दाबी गरेको छ। सुवेदीका अनुसार आन्दोलनका नेताहरूले मञ्चमा पुग्न नपाउँदै नियोजित दमन गराइएको...