काठमाडौं, २२ चैत्र । सशस्त्र प्रहरीका महानिरीक्षक राजु अर्यालले तीनकुने आगजनी घटनामा सुरक्षाकर्मीले पत्रकार सुरेश रजकलाई उद्धार गर्न नसकेको स्पष्ट पारेका छन्। राज्य व्यवस्था तथा सुशासन समितिको बैठकमा शुक्रबार सांसदहरूले उठाएका प्रश्नको जवाफ दिँदै अर्यालले सुरक्षाकर्मीको टोलीले दुई पटकसम्म खोजी गरे पनि रजकलाई भेट्न नसकेको बताए। महानिरीक्षक अर्यालका अनुसार, १५ चैतमा तीनकुनेस्थित एक घरमा प्रदर्शनकारीले आगजनी गरेपछि पत्रकार रजक त्यही घरभित्रै फसेका थिए। सुरक्षाकर्मीले उद्धारका लागि प्रयास गरे पनि सफल नभएको उनको दाबी छ। “प्रदर्शनकारीले आगजनी गरेको घरभित्र पत्रकार रहेको सुनेपछि ३:४७ बजे डीएसपीको नेतृत्वमा टोली पठाएँ। टोलीले तीन तलासम्म खोजी गर्‍यो,...