जनकपुर,०९ बैशाख । गाँजा तस्करको हब बनेको छ, मधेश प्रदेश । बुधबार राति सर्लाहीको चुरे क्षेत्रबाट प्रहरीले २५ वर्षीय सुशील चौधरीलाई २ सय ४४ किलो गाँजासहित नियन्त्रणमा लिएको छ। सिन्धुलीको मरिनबाट ल्याइएको बा २० च १७८२ नम्बरको पिकअप गाडी लालबन्दी–१३ पत्थरकोटमा चेकजाँचका क्रममा पक्राउ परेको थियो। भुसको बोरा मुनि ४५ पोका गाँजा लुकाएर ल्याउँदै गर्दा चौधरी समातिएका हुन्। अनुसन्धानका क्रममा उनले गाँजाको मुख्य मालिकको नाम भने अझै खुलाएका छैनन्। प्रहरीले घटनालाई सामान्य भनिए पनि मधेश प्रदेशमा यस्ता घटनाहरू दैनिकजसो भइरहेका छन्। मधेश प्रदेश प्रहरी कार्यालयका अनुसार पछिल्लो दुई आर्थिक वर्षमा...