दार्चुला, १४ माघ । सदरमुकाम खलङ्गा जोड्ने एक मात्र महाकाली लोकमार्ग चार दिनदेखि अवरुद्ध छ। महाकाली नगरपालिका–५ किम्तडीको ठड्याकाटा भीरमा सडक चौडा गर्ने क्रममा शुक्रबार खसेको पहिरोले लोकमार्ग पूर्ण रूपमा अवरुद्ध भएको हो। पहिरोमा परी स्काभेटर चालक रेशम बुढामगर गम्भीर घाइते भएका थिए। उनलाई हेलिकप्टरमार्फत धनगढी पठाइएको थियो। सडक अवरुद्ध हुँदा साना तथा ठूला सवारीसाधन दुवैतर्फ रोकिएका छन्। धनगढी, महेन्द्रनगर, र काठमाडौँबाट आउने बस तथा जीप किम्तडीबाटै फर्किरहेका छन्। मालवाहक ट्रक र एम्बुलेन्ससमेत सञ्चालनमा नआउँदा यातायात पूर्ण रूपमा ठप्प छ। सडक बन्द हुँदा खलङ्गाका विद्यालयका विद्यार्थीहरू जोखिम मोलेर आवतजावत गर्न बाध्य...