काठमाडाैं, १७ चैत्र  । अमेरिकाको मिनेसोटा राज्यमा एउटा सानो विमान दुर्घटनाग्रस्त भएको छ। आयोवाबाट मिनेसोटातर्फ गइरहेको सोकाटा टीबिएम विमान शनिबार मिनियापोलिस उपनगर ब्रुकलिन पार्कस्थित एक घरमाथि खस्दा कम्तीमा एक जनाको मृत्यु भएको छ। सङ्घीय उड्डयन प्रशासन (एफएए) का अनुसार विमानमा कति जना सवार थिए भन्ने अझै स्पष्ट भएको छैन। सो विमान अधिकतम छ यात्रु बोकेर उड्न सक्ने क्षमताको थियो। प्रारम्भिक रिपोर्टअनुसार विमानमा सवार कोही पनि जीवित नरहेको बताइएको छ। ब्रुकलिन पार्कका प्रवक्ता रिसिकत अदेसाओगुनका अनुसार दुर्घटनामा संलग्न घरका बासिन्दाहरू भने सुरक्षित छन्, तर आगलागीका कारण घर पूर्ण रूपमा नष्ट भएको छ। एफएएले उक्त...