काठमाडौं,०३ साउन । नेकपा एमालेका महासचिव शंकर पोखरेलले आन्तरिक लोकतन्त्र बलियो बनाउन लोकतान्त्रिक संस्कृतिको विकास अनिवार्य रहेको बताएका छन्। एमालेको पोलिटब्युरो बैठक जारी रहँदा सामाजिक सञ्जालमार्फत आफ्नो धारणा राख्दै पोखरेलले भने, “आन्तरिक लोकतन्त्रलाई सबल बनाउन लोकतान्त्रिक संस्कृतिको खाँचो पर्दछ। यसको अभावमा लोकतन्त्र फस्टाउन सक्दैन।” हाल एमालेको पोलिटब्युरो बैठकमा पार्टीको विधान मस्यौदामाथि गम्भीर छलफल चलिरहेको छ। उपाध्यक्ष विष्णुप्रसाद पौडेलले मस्यौदा पेश गरेपछि नेताहरूले आ–आफ्नो धारणा राख्ने क्रम जारी छ। पार्टीभित्रको संस्थागत सुधार र लोकतान्त्रिक अभ्यासलाई प्रभावकारी बनाउने विषयमा गहन बहस भइरहेको जनाइएको छ। महासचिव पोखरेलको भनाइले शक्तिशाली आन्तरिक लोकतन्त्र निर्माणमा संस्कृतिको...