काठमाडौं । कतारमा जारी २२औं फिफा विश्वकप फुटबलमा आज फ्रान्स र मोरक्को भिड्नेछन् । आजको खेलको विजेताले अर्जेन्टिनासँग उपाधिका लागि फाइनल खेल्ने छ । खेल राति पौने १ बजे हुनेछ । साविक विजेता फ्रान्स मोरक्कोलाई हराएर फाइनलमा पुग्ने योजनामा मैदान प्रवेश गर्नेछ । यता, मोरक्को भने इतिहास रच्ने प्रयासमा हुनेछ । फ्रान्स फिफा वरीयताको चौथो स्थानमा रहेको फ्रान्स विश्वकपको साविक विजेता हो । विश्वकपको समूह ‘डी’ बाट विजेताको रूपमा नकआउट चरणमा प्रवेश गरेको फ्रान्सले अन्तिम–१६ को खेलमा सेनेगललाई ३–० ले र क्वार्टरफाइनलमा इङ्ल्यान्डलाई २–१ ले हराएको थियो । डिडियर डेसच्याम्पको प्रशिक्षणमा रहेको फ्रान्सले...