दिपायल, चैत १२ गते । डोटीमा जङ्गली भालुको आक्रणबाट एक दम्पती घाइते भएका छन् । जिल्लाको सायल गाउँपालिका-६ स्याडाका ६० वर्षीय करी साउद र निजको श्रीमती ५८ वर्षीया दुर्गा साउद घाइते भएको प्रहरीले जनाएको छ । जिल्ला प्रहरी कार्यालय डोटीका सुूचना अधिकारी, प्रहरी नायब उपरीक्षक भीमलाल भट्टराईका अनुसार सोमबार राति घर नजिकै रहेको खेतबारीको रेखदेख गर्ने क्रममा भालुले आक्रमण गरेको हो । घाइतेलाई मङ्गलबार बिहान उपचारका लागि जिल्ला अस्पताल सिलगढी ल्याइएको थियो । जिल्ला अस्पतालमा उपचार सम्भव नभए छि घाइते दुबै जनालाई सेती प्रादेशिक अस्पताल कैलाली पठाइएको छ ।...