विश्वव्यापी महामारी बनेको कोरोना भाइरस विरुद्धको खोपले आगामी डिसेम्बरको मध्यसम्ममा स्वीकृति पाउने सम्भावना देखिएको छ । कोरोना भाइरसविरुद्ध ९० प्रतिशत प्रभावकारी देखिएको फाइजर र बायोएनटेकले उत्पादन गरेको खोपलाई युरोपेली तथा अमेरिकी नियामक निकायले मध्य डिसेम्बरसम्म स्वीकृत गर्ने सम्भावना रहेको बताइएको छ । फाइजरका प्रमुख कार्यकारी उगुर साहिनले अमेरिकी तथा युरोपेली निकायले आकस्मिक प्रयोगका लागि मध्य डिसेम्बरसम्ममा खोपलाई स्वीकृति प्रदान गर्ने सम्भावना रहेको बताएका हुन् । उनले सबै प्रक्रिया सही रुपमा अघि बढेमा अमेरिकाको फूड एण्ड ड्रग एड्मिनिस्ट्रेसनले आकस्मिक प्रयोगका लागि स्वीकृति प्रदान गर्ने समेत बताएका छन् । युरोपेली संघले...