काठमाडौं, १८ चैत्र । राष्ट्रिय प्रजातन्त्र पार्टी (राप्रपा)का सांसद धवलशमशेर जबरा पक्राउ परेको विषयमा सभामुख देवराज घिमिरेले संसदलाई जानकारी गराएका छन्। सोमबार संसदमा सभामुख घिमिरेले जबरालाई राज्यविरुद्धको अपराधसम्बन्धी कसूरमा पक्राउ गरिएको जानकारी गराए। राप्रपा महामन्त्री समेत रहेका जबरा यही १५ चैतमा पक्राउ परेका हुन्। प्रहरीले जबरालाई दुर्गा प्रसाईं लगायतका व्यक्तिहरूसँग मिलेर सरकारविरोधी गतिविधिमा संलग्न भएको आरोपमा अनुसन्धान गरिरहेको छ। १५ चैतमा तीनकुनेमा राप्रपाको संलग्नतासहित प्रदर्शन भएको थियो, जहाँ जबरा, रवीन्द्र मिश्र लगायतका व्यक्तिहरू उपस्थित थिए। सो क्रममा संसद् भवनलगायतका प्रतिष्ठान कब्जा गर्नुपर्ने भनी भिडलाई उत्तेजित बनाइएको आरोप छ। प्रहरीका अनुसार, संघीय...