काठमाडौं, २८ चैत । नेपाली राष्ट्रिय क्रिकेट टिमका अलराउन्डर दीपेन्द्रसिंह ऐरीले टी–२० अन्तर्राष्ट्रिय क्रिकेटमा ऐतिहासिक कीर्तिमान कायम गरेका छन्। उनले अहिलेसम्म खेलेका कुनै पनि टी–२० अन्तर्राष्ट्रिय खेलमा डकआउट नहुने पहिलो खेलाडीको रेकर्ड बनाएका हुन्। ऐरीले हालसम्म ७६ टी–२० अन्तर्राष्ट्रिय खेलमा ६६ पारी खेलिसकेका छन्। तर, कुनै पनि पारीमा उनी ‘डक’ अर्थात शून्य रनमा आउट भएका छैनन्। बिहीबार बिहान हङकङमा कुवेतविरुद्धको खेलमा उनले १२ बलमा ३ छक्का र २ चौकासहित ३१ रन बनाए। आक्रामक पारीमार्फत उनले नेपालको जित सुनिश्चित गर्न निर्णायक योगदान दिए। यो प्रदर्शनसँगै उनी हङकङमा जारी चारदेशीय टी–२० सिरिजको दोस्रो खेल...