बीरगन्ज,११ बैशाख । बारास्थित यातायात व्यवस्था कार्यालय, कलैयाले चालु आर्थिक वर्षको वैशाख पहिलो सातासम्ममा ७ करोड ३६ लाख रुपैयाँभन्दा बढी राजस्व संकलन गरेको छ। कार्यालय प्रमुख अविन्दर दासका अनुसार पछिल्लो महिनाहरूमा राजस्व संकलनको दर उल्लेखनीय रूपमा बढ्दै गएको छ। कार्यालयले साउनदेखि माघ पहिलो सातासम्म ४ करोड ३० लाख रुपैयाँ राजस्व उठाएको थियो, भने त्यसयता वैशाखको पहिलो सातासम्म थप ३ करोड ६ लाख ५५ हजार रुपैयाँ संकलन गरिएको छ। पछिल्ला तीन महिनामा मात्र प्रतिमहिना औसत १ करोड २ लाख रुपैयाँ राजस्व संकलन भएको देखिएको छ। राजस्व संकलनमा सबैभन्दा ठूलो हिस्सा चालक अनुमतिपत्र...