काठमाडाैं, १० चैत्र । अमेरिकी सरकारले मिलेनियम च्यालेन्ज कर्पोरेसन (एमसीसी) अनुदानमा सञ्चालन भइरहेको नेपाल परियोजनाका केही निश्चित कार्य अगाडि बढाउन अनुमति दिएपछि एमसीए नेपालले खरिद प्रक्रिया अघि बढाउन थालेको छ । एमसीए नेपालले जारी गरेको सूचनामा भनिएको छ – ‘अमेरिकी सरकारले विदेश सहायता पुनरावलोकन गरिरहेका बेला एमसीसी नेपाल कम्प्याक्ट अन्तर्गतका केही कार्यहरू पुनःसुरु गर्न अनुमति दिएको छ। तर, यो अनुमतिले समीक्षाबाट कुनै ठोस निष्कर्ष निकालिएको भन्ने अर्थ भने लाग्दैन ।’ एमसीए नेपालका अनुसार अनुमतिपछि महत्त्वपूर्ण खरिद कार्यहरू र कार्यालय सञ्चालनसम्बन्धी आवश्यक प्रक्रियाहरू अघि बढाउन अनुमति प्राप्त भएको छ। एमसीए नेपालले पुनःसुरु...