काठमाडौं,१५ जेठ । आम जनता पार्टीका अध्यक्ष प्रभु साहले सरकारले आगामी आर्थिक वर्षका लागि ल्याएको बजेटप्रति तीव्र असन्तुष्टि जनाएका छन्। उनले यो बजेट गरिब जनताको पीडा बढाउने, बिचौलियालाई फाइदा पु¥याउने र देशलाई झनै बर्बाद गर्ने खालको रहेको टिप्पणी गरेका छन्। बुधवार संसद् भवन परिसरमा सञ्चारकर्मीसँग कुरा गर्दै अध्यक्ष साहले भने, “यो बजेटलाई हेर्दा, बिचौलिया हाँस्ने र गरिब जनता रुने खालको छ।“ सरकारको नीति तथा कार्यक्रम र बजेटको कार्यान्वयन क्षमतामाथि प्रश्न उठाउँदै उनले सरकारलाई ‘कुहिएको काठ’ को संज्ञा दिए। “कुहिएको काठले राम्रो फर्निचर बनाउन सक्दैन,“ उनले कटाक्ष गर्दै भने, “हात्ती आयो, हात्ती...