काठमाडौँ,२४ चैत । राष्ट्रपति रामचन्द्र पौडेलले देशका अमूल्य सम्पदाको विकास, संरक्षण र सम्वर्द्धनमा तीन तहकै सरकारले ध्यान दिनुपर्ने बताएका छन् । पाटन दरबारमा जिर्णोद्वार तथा पुनर्निर्माण गरिएको देगुतलेजु मन्दिरको समुद्घाटन गर्दै राष्ट्रपति पौडेलले ऐतिहासिक, धार्मिक, सांस्कृतिक सम्पदा, नेपाल र नेपालीको शान र पहिचान भएको उल्लेख गरे । अनुपम भौगोलिक विविधताले सुन्दर देश नेपालमा प्राकृतिक, धार्मिक, सांस्कृतिक, ऐतिहासिक एवं प्रकृतिको वरदानको रुपमा कयौँ रमणीय स्थलहरु रहेको बताउँदै उनले अनगिन्ती मठमन्दिर, शक्तिपीठ, तीर्थस्थल नेपालको सभ्यता संस्कृति तथा राष्ट्रिय गौरवसँग जोडिएको उल्लेख गरे । देशका यस्ता महत्वपूर्ण स्थलको संरक्षण र सम्वर्द्धन गरी पूर्खाको मिहिनेत,...