काठमाडौं, १७ चैत्र । त्रिभुवन विश्वविद्यालय (त्रिवि) का उपकुलपति प्रा. डा. केसरजंग बरालले पद सम्हालेको १३ महिनामै राजीनामा दिएका छन्। त्रिवि स्रोतका अनुसार उनले शुक्रबार प्रधानमन्त्री कार्यालयमा राजीनामा पत्र बुझाएका हुन्। बराललाई २०८० फागुन १० गते तत्कालीन प्रधानमन्त्री तथा त्रिविका कुलपति पुष्पकमल दाहाल ‘प्रचण्ड’ ले उपकुलपतिमा नियुक्त गरेका थिए। तर, नियुक्तिको प्रक्रियादेखि नै उनी विवादमा तानिएका थिए। खुला प्रतिस्पर्धाबाट उपकुलपति छनोट गर्दा उनी दोस्रो स्थानमा रहे पनि तत्कालीन प्रधानमन्त्रीको इच्छाअनुसार उनलाई नियुक्त गरिएको थियो। चार वर्षको कार्यकालका लागि नियुक्त भएका बराल एक वर्षमै राजीनामा दिएर पोखरा फर्किएका छन्। त्रिविका एक कर्मचारीका...