चितवन,१६ माघ । चितवनको अत्यन्त व्यस्त मुग्लिन–नारायणगढ सडकखण्डमा आज बिहान नाइट बस दुर्घटना हुँदा ३८ जना यात्रु घाइते भएका छन्। दाङबाट काठमाडौं जाँदै गरेको लुम्बिनी प्रदेश ०२-००१ ख ०४६० नम्बरको बस बिहान करिब ३:१० बजे मुग्लिन नजिकै ‘घुमाउने’ क्षेत्रमा अनियन्त्रित भई सडकमै पल्टिएको प्रहरीले जनाएको छ। दुर्घटनापछि प्रहरी र स्थानीयवासीको सहयोगमा घाइते यात्रुहरूको तत्काल उद्धार गरी उपचारका लागि विभिन्न अस्पतालमा पठाइएको थियो। घाइतेमध्ये १५ जनाको भरतपुरस्थित मौलाकालिका अस्पताल, १३ जनाको पुरानो मेडिकल कलेज, ४ जनाको नयाँ मेडिकल कलेज र ६ जनाको मुग्लिनस्थित जनता केयर अस्पतालमा उपचार भइरहेको छ। प्रहरीका अनुसार अधिकांश...