महोत्तरी,१५ फागुन । महोत्तरी निर्वाचन क्षेत्र नम्बर–३ बाट प्रतिनिधिसभा सदस्यका लागि जनता समाजवादी पार्टी (जसपा) नेपालकी उम्मेदवार डा. मिनाक्षी ठाकुर चुनावी मैदानमा छन्। तर उनको यात्रा सहज भने देखिएको छैन। पार्टीभित्रै ‘वंशवाद’को आरोप लाग्दै आलोचना भइरहेको छ, विशेष गरी मधेस आन्दोलन र संगठन निर्माणमा दशकौँ योगदान पुर्‍याएका पुराना नेताहरूलाई पन्छाएर उनलाई टिकट दिलाइएको भन्दै विवाद सिर्जना भएको हो। ४१ वर्षीया डा. मिनाक्षी ठाकुर पेशाले चिकित्सक हुन्। सर्लाहीको मलंगवा नगरपालिका–नयाँबस्तीमा जन्मिएकी उनी लामो समय काठमाडौंका प्रतिष्ठित अस्पताल र क्लिनिकमा स्त्री तथा प्रसूति रोग विशेषज्ञका रूपमा सेवा दिँदै आएकी छन्। उनको राजनीतिक यात्रा...