जनकपुर, ३० बैशाख
राष्ट्रपति विद्यादेवी भण्डारीले प्रदेश २ सरकारले सुरु गरेको ‘बेटी पढाऔं, बेटी बचाऔं’ अभियानको प्रशंसा गर्नुभएकोछ । यसअघि बीरगंजबाटै राष्ट्रपति भण्डारीले बेटी पढाऔ बेटी बचाऔ अभियानको उद्घाटन गर्नुभएको थियो ।
- Advertisement -
सीता नवमीको अवसरमा जानकी मन्दिर प्राङ्णमा आयोजित कार्यक्रममा राष्ट्रपति भण्डारील यो अभियानलाई सामाजिक चेतना र जागरणको महत्वपूर्ण पाटोको संज्ञा समेत दिनुभयो ।
तराई मधेस अन्नको भण्डार भएपनि उत्पादन र उत्पादकत्वमा कमी आउनु दुःखद भएको बताउँदै उहाँले कतिपय सामाजिक विकृति र विसंगति विद्यमान रहेको प्रति चिन्ता व्यक्त गर्नुभयो ।
