बीरगंज जेठ ७ — बारा प्रहरीले १२ हजार कुखुराका चल्ला सहित पाँच जनालाई पक्राउ गरेको छ । बाराको सिम्रौनगढ नगरपालिका वडा नम्बर ९ बंकुल टोल स्थित सडकमा चेकजाँच गर्ने क्रममा प्रहरीले उनीहरुलाई कुखुराका चल्ला सहित नियन्त्रणमा लिएको हो ।
- Advertisement -
पक्राउ पर्नेमा गाडी चालक निजगढ नगरपालिका वडा नम्बर ९ बस्ने ३४ बर्षीय उदय कुमार अस्थानी मगर, वडा नम्बर ८ बस्ने २३ बर्षीय दिनेश गौतम र कामदारहरु वडा नम्बर ९ बस्ने २४ बर्षीय धर्म बहादुर अधिकारी, ३३ बर्षीय अशोक न्यौपाने, र वडा नम्बर ७ बस्ने २६ बर्षीय विरेन्द्र आचार्य रहेका छन ।
नेपालबाट ना.४ च. ७५७६ र ना. ४ च.६१५१ नम्बरको पिकअप बोलेरो गाडीमा लोड गरी भारत तर्फ लैजाँदै गरेको अवस्थामा ईलाका प्रहरी कार्यालय सिम्रौनगढबाट खटिएका प्रहरी टोलीले अवैध कुखुराको चल्लासहित उनीहरुलाई पक्राउ गरेको हो ।
