बीरगंज, १५ जेठ — प्रदेश प्रहरी कार्यालय जनकपुरको टोलीले मंगलवार राति बालक अपहरणपछि हत्या घटनामा पक्राउ परेका अभियुक्त भाग्न खोजेपछि गोली चलाएको छ ।
वीरगञ्जमा जेठ १० गते शुक्रवार भएको बच्चा अपहरण घटनाका अभियुक्त भाग्न खोजेपछि गोली प्रहार गरेर पुनः पक्राउ गरिएको छ ।
पक्राउ परेका अभियुक्त विकास शर्मा, सिकिन्दर भाग्न खोजेपछि गोली प्रहार गरिएको प्रदेश प्रहरी कार्यालयका प्रहरी प्रमुख डीआईजी हरिबहादुर पालले बताउनुभयो । उहाँका अनुसार वीरगञ्जका शम्भु शाहका ८ वर्षीय छोरा करन शाहको अपहरणपछि हत्या घटनामा छानबिन भइरहेको छ । घटनामा रामदिनेश महतो समेत पक्राउ परेका छन् ।
बालकका बुवा शम्भु शाहसँगको रिसइबीका कारण विकास शर्माको समूहले बालकको अपहरणपछि हत्या गरेको हुन सक्ने प्रहरीले जनाएको छ ।
प्रहरीले बालकको शव फेला पारिसकेको छ । प्रहरीले घटना अनुसन्धान गरिरहेको प्रदेश प्रहरी कार्यालयले जनाएको छ ।
