सिन्धुपाल्चोक – २०७२ सालको भूकम्पपछि बन्द भएको तातोपानी नाका बुधबारदेखि औपचारिक रुपमा खुलेको छ । चीन सरकारले नै बनाइदिएको तातोपानी नाका मंगलबारदेखि नै सामान्य रुपमा खुलेको भए पनि विधिवत रुपमा भने बुधबारदेखि सञ्चालनमा आएको हो ।
नेपाल चीन जोड्ने प्रसिद्ध उत्तरी नाकाको रुपमा चिनिने अरनिको राजमार्ग २०७१ सालमा जुरेमा आएको पहिरोका कारण आशिंक रुपमा ठप्प भएको थियो भने २०७२ सालको भुकम्पपछि पूर्ण रुपमा ठप्प भएको थियो ।
यो राजमार्गमा मंगलबार बिहान ४ वटा खाली कन्टेनर ऊन ल्याउन चीन पठाएसँगै आधिकारिक रूपमा नाका खुलेको घोषणा भएको हो । पहिला यो नाकाबाट वर्षको २० अर्ब रुपैयाँ बराबरको आयात र साढे २ अर्ब रुपैयाँ बराबरको निर्यात व्यापार हुँदै आएको थियो ।
