काठमाडौं,१३ माघ । नेपालमा आजसम्म कोरोनाभाइरसविरुद्धको ३ करोडभन्दा बढी डोज खोप लगाइएको छ । स्वास्थ्य तथा जनसंख्या मन्त्रालयले आज अपरान्ह दिएको जानकारीअनुसार ३ करोड ४ लाख ७५ हजार ५८९ डोज खोप लगाइएको छ ।
- Advertisement -
जसमा १ करोड ६४ लाख ५८ हजार ४७५ पहिलो मात्रा, १ करोड ३७ लाख ३४ हजार ३९० पूर्ण मात्रा र २ लाख ८२ हजार ७२४ अतिरिक्त मात्रा लगाइएको मन्त्रालयको विवरणमा उल्लेख छ ।
नेपालमा ४ करोड २० लाख ४९ हजार ६४० डोज खोप आएको हुँदा ३ करोड ४ लाख ७५ हजार ५८९ डोज खोप लगाइएकाले अब १ करोड १५ लाख ७४ हजार ५१ डोज खोप बाँकी रहेको मन्त्रालयले जानकारी दिएको छ । पछिल्लो २४ घण्टामा ५ लाख ५४ हजार ५६६ डोज खोप लगाइएको मन्त्रालयले जानकारी दिएको छ ।
