बीरगन्ज,२४ जेठ । नेकपा (एकीकृत समाजवादी) बीरगन्ज महागर कमिटीले बुधबार नेपाल विधुत प्राधिकरण बीरगन्ज वितरण केन्द्र, बीरगन्जमा ज्ञापन पत्र बुझाएकाे छ । छिनछिनमा लाइन कटने समस्या समाधानकाे माग गर्दै महानगर कमिटीले बीरगन्ज वितरण केन्द्रका प्रमुख अवधेश कुमार दुवेलाई ज्ञापन पत्र बुझाएकाे हाे ।
तराईमा केहि देखि बढदो चर्को गर्मीका कारण जनजीवन कष्ठकर बन्दै गएको जनाउँदै नेकपा एसले एकाथरी चर्को गर्मीको पिडा र अर्को तर्फ बीरगन्ज वितरण केन्द्रले गर्ने गरेको अघोषित लोडसेडिङ्गका कारण जनजीवन थप कष्ठकर बनेको प्रति प्रमुख दुवेकाे ध्यानाकषर्ण गराएकाे छ ।
दिनभरी गर्मीमा जसो जसो आफ्नो जागिर, व्यापार व्यसाय गरी राती घर फर्किदा रातभरी लाइन छिनछिनमा आउँने जाने गरेको कारण आम जनता गर्मीले सुत्न समेत नपाएको कारण बीरगन्जलाई यथासिध्र लोडसेडिङ्ग मुक्त गर्न वीरगंज वितरण केन्द्रसँग नेकपा एस बीरगन्ज महानगर कमिटीले ज्ञापन पत्र मार्फत माँग गरेकाे छ ।
नेकपा एसका बीरगन्ज महानगर अध्यक्ष मनाेज चाैधरीद्वारा हस्ताक्षरित ज्ञापन पत्रमा आफ्नो व्यस्थापन पदलाई सुधार गर्दै सेवा सुविधा चुस्त दुरुस्त नबनाए नेपाल बिधुत प्राधिकरण बीरगन्ज वितरण केन्द्र, बीरगन्जबिरुद्ध पार्टी चरणबद्ध आन्दोलनमा उत्रिन बाध्य हुने उल्लेख गरिएकाे छ ।
ज्ञापन पत्र बुझाउन नेकपा एस वीरगंज महानगर कमिटीका सचिव बृजलाल पासवान, सह सचिव मनाेज पटेल, दलित मुक्ति माेर्चा पर्साका अध्यक्ष शुशिल हाजरा लगायतका बीरगन्ज वितरण केन्द्रमा पुगेका थिए ।
ज्ञापन पत्र बुझ्दै वीरगंज वितरण केन्द्रका प्रमुख दुवेले ठाउँ ठाउँमा हुने आगलागीका कारण लाइन कटने गरेकाे वताए । उनले वीरगंजका केही ठाउँका ट्रान्सफरम समेत फर्ने पर्ने भएकाेले फेर्न नसकेर ससमस्या हुने गरेकाे वताए ।
ट्रान्सफाँर्मर फेर्ने कामहरु भइरहेकाे वताउँदै प्रमुख दुवेले केही दिन लाइन कटने समस्या समाधान हुने जानकारी गराए ।
