काठमाडौं । राष्ट्रिय स्वतन्त्र पार्टी (रास्वपा)ले निलम्बित पूर्वसांसद ढाकाकुमार श्रेष्ठले नाम लिएका केन्द्रीय सदस्य मोहनजंग थापामाथि अनुसन्धान थालेको छ ।
- Advertisement -
सभापति रवि लामिछानेको कोर टीमको मान्छे भन्दै थापाले आफूलाई मन्त्री बनाउन तीन करोड मागेको ढाकाकुमारले आरोप लगाएपछि पार्टीले छानबिन थालेको हो ।
ढाकाकुमारले नाम लिएका पार्टीका नेताहरूमाथि गम्भीर रूपमा आफूहरुले अनुसन्धान अगाडि बढाइसकेको रास्वपा प्रमुख सचेतक सन्तोष परियारले बताए । बिहीबार संसद भवन परिसरमा सञ्चारकर्मीहरुसँग कुराकानीको क्रममा उनले आरोप सत्य प्रमाणित भए कारबाही हुने बताए ।
- Advertisement -
उनले भने, ‘उहाँले लगाउनुभएको आरोपलाई गम्भीर रुपमा लिएर हामीले अनुसन्धान अगाडि बढाइसकेका छौं । दोषी देखिए कारबाही हुन्छ ।’
