काठमाडौं । नेपाली कांग्रेसले सरकारलाई तीनवटा विधेयक फिर्ता लिन चेतावनी दिएको छ । मिडिया काउन्सिल विधेयक, मानवअधिकार आयोगसँग सम्बन्धित विधेयक र राष्ट्रिय सुरक्षा परिषद्को काम कर्तव्य र अधिकार सम्बन्धि विधेयक तत्काल फिर्ता लिन सरकारलाई कांग्रेसले चेतावनी दिएको हो ।
मंगबार सिंहदरबारमा बसेको नेपाली कांग्रेसको संसदीय दलको बैठकले यी तीनवटा विधेयकहरु संविधानका प्रस्तावना र प्रावधान विपरित रहेको र संविधानको प्रतिकुल हुने गरि विधेयक आएका कारण यसलाई तत्काल फिर्ता गर्न सरकारलाई दबाव दिने निर्णय गरेको हो ।
बैठकपछि बोल्दै कांग्रेसका प्रमुख सचेतक बालकृष्ण खाँडले यी विधेयकले प्रेस स्वतन्त्रतालाई कुन्ठित गरेको, मानअधिकारलाई कमजोर बनाउने र राष्ट्रिय सुरक्षा र नेपाली सेनालाई पनि निष्प्रयोजन गर्ने दाबी गरे ।
उनले राष्ट्रिय सुरक्षाका हिसावले पनि गम्भीर खालका र गम्भी प्रतिवन्ध ल्याउनेन खालको भएका कारण यी विधेयकलाई फिर्ता लिनुको विकल्प नभएको बताए ।
‘यदी सरकारले संयता पूर्वक विधेयक फिर्ता लिएर गयो भने स्थिति सहजीकरण हुने छ’ प्रमुख सचेतक खाँडले भने,‘ यदी जबरजस्ती सदमा प्रवेश गर्न खोज्यो भने सदन मा र सडकमा कांग्रेसले शक्ति प्रदर्शन गर्ने छ ।’
कांग्रेस सदैव मानवअधिकारको पक्षमा रहेको भन्दै प्रमुख सचेतक खाँडले स्तन्त्र पत्रकारिकता र लोकतन्त्र एउटै सिक्काको दुईवटा पाटा भएको बताए ।
