आइतवार, असार ३०, २०८१
Sun, July 14, 2024

बाढी पीडितलाई राहत दिन...

काठमाडौँ,३० असार । जनता समाजवादी पार्टी नेपालका अध्यक्ष उपेन्द्र यादवले देशका विभिन्न स्थानमा...

गृह मन्त्रालयमा मेरो नजर...

काठमाडौं,३० असार । उपप्रधान तथा गृहमन्त्री रवि लामिछानेले राष्ट्रिय स्वतन्त्र पार्टी (रास्वपा)ले गृह...

अशोक राईले मागे यसअघि...

काठमाडौं,३० असार । जनता समाजवादी पार्टी (जसपा) ले केपी शर्मा ओली नेतृत्वमा बन्ने...

जलेश्वरका प्रमुखले पाए सफाइ

जलेश्वर,३० असार । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख...
29.1 C
Kathmandu
37.2 C
Birgunj

काठमाडौँमा बम विस्फोट हुँदा ३ जनाको मृत्यु, विप्लव समूहको संलग्नता !

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

काठमाडौं । राजधानी काठमाडौंका २ ठाउँमा भएका छुट्टा–छुट्टै विस्फोटमा आइतबार ३ जनाको मृत्यु भएको छ ।

- Advertisement -

बुढानीलकण्ठ नगरपालिका–४ ढलाने पुल नजिक सैलुन पसलमा भएको विस्फोटमा २ जनाको मृत्यु भएको छ । प्रहरीका अनुसार मृत्यु हुनेमा काभ्रे घर भइ कपन मिलनचोक बस्ने ४४ वर्षीय हरि खड्का र कपन चुनिखेल घर भएका सुरेन्द्र महर्जन छन् ।

प्रहरीका अनुसार नाम नखुलेको सैलुन पसलमा विस्फोट हुँदा १ जनाको घटनास्थलमै र अर्का एकको उपचारका क्रममा चावहिलस्थित ओम अस्पतालमा मृत्यु भएको हो ।

- Advertisement -

यस्तै अनमानगर (घट्टेकुलो) क्षेत्रको संगम गल्लीमा भएको विस्फोटमा १ जनाको मृत्यु भएको छ । घट्टेकुलोमा भएको विस्फोटमा मृत्यु हुनेको पहिचान खुल्न बाँकी छ ।

घट्टेकुलोको विस्फोटमा घाइते भएका १ जनाको भने पहिचान खुलेको छ । प्रहरीका अनुसार रुकुमको सानोभेरी गाउँपालिका घर भएका २६ वर्षीय रविन केसी घाइते छन् । उनलाई उपचारका लागि वीर अस्पताल लगिएको छ ।

विस्फोटमा विप्लव समूहको हात !

प्रहरीका अनुसार अनामनगरको संगम गल्लीमा भएको विस्फोटमा नेत्रबिक्रम चन्द (विप्लव) समूहको संलग्नता छ ।

प्रहरीका कारबाहीका क्रममा भोजपुरमा गोली लागि आफ्ना कार्यकर्ताको मृत्यु भएको विरोधमा विप्लव समूहले (सोमबार) नेपाल बन्द आह्वान गरेको छ ।

घट्टेकुलोमा विस्फोट भएको स्थानबाट विप्लव नेतृत्वको नेपाल कम्युनिस्ट पार्टीले सोमबार आह्वान गरेको बन्दको विषयमा पर्चा फेला परेको प्रहरीले जनाएको छ ।

प्रहरीका केन्द्री प्रवक्ता प्रहरी नायव महानिरीक्षक (डिआईजी) विश्वराज पोखरेलले विस्फोट भएको स्थानबाट विप्लव समूहको पर्चा भेटिएको बताए ।

‘विस्फोट भएको स्थानबाट विप्लव समूहको पर्चा भेटिएको छ,’ डिआईजी पोखरेलले भने, ‘अहिले अनुसन्धान जारी छ ।’

डिआईजी पोखरेलले सामाखुसीमा भएको विस्फोट पनि नियोजित देखिएकाले अनुसन्धान जारी रहेको बताए ।

‘विस्फोट दुर्घटना भएको जस्तो छैन, हामीले थप अनुसन्धान गरिरहेका छौं,’ पोखरेलले भने ।

घट्टेकुलोको विस्फोटमा घाइते भएका केसी विप्लव निकट विद्यार्थी संगठनको त्रिचन्द्र क्याम्पसका अध्यक्ष रहेको भन्ने जानकारी आएको प्रहरी श्रोतले बताएको छ । यसकै आधारमा पनि विस्फोटमा विप्लव समूहको संलग्नता हुन सक्ने प्रहरी अनुमान छ ।

- Advertisement -spot_img

ताजा समाचार

spot_img

थप समाचार