एजेन्सी । आनन्दित र सुखी वैवाहिक जीवन नबित्नु पुरुष र महिला दुबैको लागि हानिकारक हुन्छनै । तर महिलाभन्दा पुरुषहरूले सबैभन्दा बढी यसको बोझ सहनु पर्दछ भन्ने कुरा सायद यहाँलाइ अचम्म लाग्न सक्छ होला । यहाँसम्म कि उनीहरुको जीवन गुम्ने खतरा पनि अधिक हुने गर्दछ । यो खुलासा एक रिसर्चद्धारा प्रमणित भएको छ । अन्वेषकहरू भन्छन् कि आफ्नी श्रीमतीसँग झगडा भइरहने पतिहरूले तुरुन्तै डाक्टरको सल्लाह लिनुपर्दछ । किनकि कम उमेरमै उनीहरूको मृत्यु हुने सम्भावना अधिक हुन्छ ।
इजरायलको तेल अवीव विश्वविद्यालयका अनुसन्धानकर्ताहरूले वर्षौं अनुसन्धान गरेपछि पत्ता लगाए कि यस्ता पुरुष जो आफ्नो विवाहित जीवनमा खुशी छैनन् र आफ्नी श्रीमतीसँग बारम्बार झगडा गर्ने गर्दछन् भने त्यस्ता पुरुषहरू ठूलो खतरामा छन् । अन्वेषकहरूले इजरायलमा १०,००० पुरुषको स्वास्थ्य डाटा अध्ययन गरेका थिए । यी व्यक्तिहरूको जीवनसँग सम्बन्धित प्रत्येक सानो-सानो कुराहरु रेकर्ड गरिएको थियो । यसकै आधारमा, यो निष्कर्षमा निस्कियो कि खराब विवाहित जीवनले पुरुषको स्वास्थ्यमा धेरैनै नकारात्मक प्रभाव पार्दछ ।
रिसर्चको रिपोर्टमा भनिएको छ कि विवाह सम्बन्धमा समस्या झेलिरहेका पुरुषहरु स्ट्रोकको उच्च जोखिममा रहेका हुन्छन् । त्यस्ता पुरुषहरुको स्ट्रोकको जोखिम अरु समान्य पुरुषभन्दा ६९।२ प्रतिशत बढी हुने गर्दछ । ३२ बर्ष चलेको यस अनुसन्धानमा वैज्ञानिकहरूले यो पनि पत्ता लगाए कि विवाहित जीवनबाट दुखित हुने पुरुषहरूको १९५ समयपूर्व मृत्यु हुने सम्भावना बढी हुन्छ । यसको सीधा मतलब भनेकोनै विवाहपछि खुशी नहुने पुरुषहरूको स्वास्थ्य महिलाको तुलनामा ज्यादै खराब हुने गर्दछ ।