बीरगञ्ज, ७ माघ – पर्साका प्रमुख जिल्ला अधिकारी रुपमा हिरालाल रेग्मी आउने भएका छन् । गृह मन्त्रालयले पर्साका प्रजिअसँगै ४२ जना प्रमुख जिल्ला अधिकारी र ७ जना सहायक प्रमुख जिल्ला अधिकारी गरेर ७० जना सहसचिव र उपसचिवको सरुवा गरेको हो ।
सरुवा भएको १ वर्षभन्दा बढी समय भइसकेपछि उमेश प्रसाद ढकालको काज सरुवा गरिएको गृह मन्त्रालयले जनाएको छ । ढकालको गृह मन्त्रालय सिंहदरवारमा सरुवा गरिएको छ भने ।
पर्सामा नयाँ आउने प्रजिअ रेग्मी नेपालगञ्ज उप–महानगरपालिकाको प्रमुख प्रशासकीय अधिकृतका रुपमा काम गरेका रेग्मी पनि कुशल प्रशासकका रुपमा चिनिन्छन् । रेग्मीले जिल्ला विकास समिति कालिकोट, अछाम, सुर्खेत, गुल्मी र दैलेखमा स्थानीय विकास अधिकारीको रुपमा काम गरि सकेका छन् भने धनगढी, टिकापुर, धरान नगरपालिकामा प्रमुख प्रशासकीय अधिकृतको रुपमा काम गरिसकेका छन् ।
२०६६ सालमा उपसचिव भएका रेग्मी २०७६ सालमा सहसचिव भएका हुन । सह–सचिव भएपछि गृह मन्त्रालय हुँदै सुर्खेतको प्रमुख जिल्ला अधिकारीको जिम्मेवारी निर्वाह गरेका रेग्मीले यसअघि कर्णाली प्रदेशमा आर्थिक मामिला तथा योजना मन्त्रालयको सचिवको रुपमा कार्यरत भइसकेका छन् ।