जसपा सांसद रहमानको निधन

काठमाडाैँ,१३ फागुन । जनता समाजवादी पार्टी नेपालका प्रतिनिधिसभा सदस्य सहनाज रहमानको निधन भएको छ ।

- Advertisement -

जसपाका नेता अमरेन्द्र यादवका अनुसार रहमानलाई ह्रदयघातका कारण निधन भएको हो । भक्तपुरको एक पिकनिक कार्यक्रममा गएको बेला अचानक मुटु दुख्न थालेपछि उनलाई भक्तपुरकै एक अस्पतालमा भर्ना गरिएको थियो ।

भक्तपुरमा पिकनिक गएका बेला उनको हृदयघातका कारण निधन भएको जसपा सांसद प्रदीप यादवले बताए।

उनलाई अहिले भक्तपुरस्थित मध्यपुर ठिमी अस्पतालमा राखिएको छ। रहमान झापाकी हुन् । उनी जसपाबाट समानुपातिकतर्फबाट सांसद बनेकी थिइन्। उनको ६२ वर्षको उमेरमा निधन भएको हो।