पर्सा — पर्साको पोखरिया नगरपालिकामा शुक्रबार राति मोटरसाइकल दुर्घटनामा हुँदा एक जनाको मृत्यु भएको छ र एक जना घाइते भएका छन् ।
- Advertisement -
मृत्यु हुनेमा पर्सा जगरनाथपुर गाउँपालिका–५ मसिहानीका ४५ वर्षीय चोकट मुखिया बिन रहेका छन् भने घाइते पोखरिया नगरपालिका–३ फुलरिया का ३९ वर्षीय विश्वजित राउत गिरी रहेका छन् ।
राति करिब साढे ९ बजेको समयमा वीरगन्जबाट पोखरियातर्फ जाँदै गरेको ना ४२ प १७५९ नम्बरको मोटरसाइकल पोखरिया नगरपालिकामा अनियन्त्रित भइ दुर्घटना भएको थियो ।
- Advertisement -
इलाका प्रहरी कार्यालय पोखरियाबाट खटिएको प्रहरी टोलीले घाइतेहरूलाई उद्धार गरी उपचारका लागि पोखरिया अस्पतालमा लगेकोमा बिनको राति १० बजे उपचारका क्रममा मृत्यु भएको हो ।
गिरीको दाहिने हात भाँच्चिएकाले उनलाई थप उपचारका लागि नारायणी अस्पताल वीरगन्जमा भर्ना गरिएको जिल्ला प्रहरी कार्यालय पर्साले जनाएको छ ।
